ملائشیا میں دو دن کے لئے اسکول بند

مہر خبررساں ایجنسی نے ذرائع کے حوالے سے نقل کیا ہے کہ ملائشیا میں دھوئیں کے بادلوں کی وجہ سے ملک بھر کے اسکولوں کو دو دن کے لیے بند کر دیا گیا ہے۔ حکام کے مطابق پڑوسی ملک انڈونیشیا کے جنگلات میں لگنے والی آگ کی وجہ سے دھوئیں کی ایک موٹی تہہ ملائشیا کے کئی علاقوں پر بھی چھا گئی ہے۔ اسی وجہ سے بچوں کو اس مضر صحت دھوئیں کے اثرات سے محفوظ رکھنے کے لیے اسکول بند رکھنے کا حکم دیا گیا ہے۔شدید دھوئیں کی وجہ سے گزشتہ روز ملک کے کئی ہوائی اڈوں کو بھی بند کر دیا گیا تھا ۔